Infarkti më i shpeshtë, gjatë paradites

Sulmet e zemrës që ndodhin në kohën e paradites janë shumë me të vështira se ato që ndodhin në pjesën tjetër të ditës, ka pohuar një ekip i ekspertëve spanjollë, përderisa ishte botuar në revistën mjekësore të Britanisë, ‘Heart’.

Ekipi spanjoll kishte vëzhguar të dhënat e 811 pacientëve, ndërmjet viteve 2003 dhe 2009.

Më shumë se tre të katërtat e këtyre pacientëve ishin meshkuj, e mosha mesatare e tyre ishte rreth 62 vjet. Prej tyre 269 kishin përjetuar infarkt nga ora gjashtë e mëngjesit deri në mesditë. Kur ishte matur sasia e enzimës në gjakun e të anketuarve, ishte vërtetuar se kjo kishte ndodhur shkaku i bllokadës së dërgimit të gjakut në muskujt e zemrës.

Te pacientët që kishin përjetuar infarkt ndërmjet orës gjashtë të mëngjesit dhe në mesditë, përkatësisht nga kalimi i errësirës në dritë, indi i vdekur i zemrës kishte një sipërfaqe prej 21% më të madhe sesa te pacientët që infarkti u kishte ndodhur ndërmjet orës 18:00 deri në mesnatë.

Sipas ekspertëve spanjollë, këto zbulime mund të përdoren për efektivitetin e ilaçeve kundër sëmundjeve të zemrës. /ap/