Çrregullimi i ri në ushqim – të qenët nazeli

Sipas regjistrit të cilin e kanë formuar shkencëtarët nga Universiteti në Pitsburg, gjatë viteve të fundit në botë është rritur numri i personave të rritur të cilët janë nazeli në ushqim dhe konsumojnë vetëm disa ushqime të caktuara.
Ata konsiderojnë që të ushqyerit nazeli duhet të përfshihet në manualin diagnostik ose statistik të psikiatërve amerikanë, si çrregullim psikik.
Heather Hill (39) ushqehet vetëm me patate të skuqura, picë, pasta, brokoli të zier dhe ëmbëlsira pa fruta arrore, ndërsa Christie Rusell (27) ha vetëm brokoli të pagatuar dhe karfiol.
Ato paraqesin vetëm dy shembuj të personave të cilët janë për së tepërmi seleksionues në mënyrën e vet të të ushqyerit, por ky është problem i cili është gjithnjë më i pranishëm tek të rriturit. Sikurse fëmijët, edhe ata kufizohen me një grup të vogël të ushqimeve, ndërsa ushqimet e tjera i injorojnë plotësisht.
Shkencëtarët ende nuk kanë përcaktuar shkakun e këtij trendi brengosës i cili shpejt do të mundet të regjistrohet si çrregullim në ushqim.
Ai mund të krijohet ashtu që personi nuk dëshiron të kapërcejë modelet e ushqimit nga fëmijëria dhe të provojë gjëra të reja, por mund të jetë edhe shenjë e çrregullimit posesiv-kompulsiv.