Grabitet posta në Gjakovë

Një grabitje e armatosur ka ndodhur në Rogove të Gjakovës, të enjten ku persona të armatosur të pa njohur kane hyrë në objektin e postes dhe nën kërcënimin e armës kanë grabitur para në vlerë 680 Euro.
Një person ka pësuar lëndime si pasoje e goditjes me kondak të armës. Sipas dy dëshmitarëve para se të ndodhte rasti të dyshuarit janë vrenjtur duke e ndërruar tabelën e veturës të cilën e kishin në posedim dhe janë larguar me një veture të tipit Golf 2.

Më të marr informatën policia ka dal ne vendin e ngjarjes, dhe me pas ka identifikuar katër të dyshuarit, ku dy prej tyre janë arrestuar me ç’rast tek i dyshuari janë gjetur një pjesë e gjësendeve të grabitura si dhe vetura e cila është përdorur në kryerjen e veprës.

Ndërsa i dyshuari i dytë një jave me herët me të dyshuarin e parë kishin kryer një grabitje në fshatin Krushë e Madhe, ku kishin grabitur para te gatshme 1.200 Euro, dhe kartela mbushëse në vlerë 600 Euro. Të dyshuarit me urdhër të prokurorit janë dërguar në mbajtje.