Mubarak dhe djemtë e tij, para gjyqit me 3 gusht

Gjykata për krime në Egjipt njoftoi të mërkurën se ish-presidenti Hosni Mubarak dhe djemtë e tij, Gamal dhe Ala, do të dalin para gjyqit më 3 gusht. Ata akuzohen për përfshirje në vrasjen e protestuesve dhe për përfitime të paligjshme personale.
Njoftimi vjen një ditë pasi avokati i tij tha se gjendja shëndetësore e Mubarakut është shumë e dobët për ta lëvizur nga spitali në Sharme el-Sheik në spitalin e burgut të Kajros.

Ende nuk është bërë e ditur se ku do të zhvillohet gjykimi.
Ish-presidenti i Egjiptit u përmbys nga revolta popullore në muajin shkurt.