Mladic të premten paraqitet para gjyqtarëve të Hagës

Tribunali i Hagës ka njoftuar të mërkurën se i dyshuari për krimet e luftës në Bosnje, Ratko Mladic, do të paraqitet për herë të parë në gjykatë të premten.
Seanca e parë është caktuar pasi Mladici është transferuar për në Tribunalin e Hagës, të martën.

Gjatë seancës dëgjimore, mëngjesin e së premtes, Mladicit do t’i kërkohet që të deklarohet për akuzat që rëndojnë mbi të e që përfshijnë gjenocidin, krimet e luftës dhe krimet kundër njerëzimit që dyshohet se janë kryer gjatë luftës në Bosnje, nga viti 1992 – 1995.