Vritet lideri i al Qaedas në vendet afrikane

Raportohet se personi i dyshuar si hartuesi i planit për sulmin terrorist të vitit 1998 kundër ambasadave amerikane në Keni dhe Tanzani, është vrarë në Somali.
Komisioneri i policisë keniane është cituar duke thënë se Fazul Abdullah Mohammed, është vrarë në Mogadishu dhe se shumë shpejtë do të bëhen testet e ADN-së për të verifikuar identitetin e tij.

Fazul besohej se ka qenë lideri i operacioneve të al Qaedas për vendet e Afrikës Lindore dhe komandanti kryesor ushtarak i al Shabab, grupi i militantëve islamikë që tenton ta kontrolloj Somalinë.

Fazul kërkohej nga SHBA-të në lidhje me bombardimin e ambasadave në Nairobi dhe Dar es Salam, që vrau më shumë se 200 persona dhe për sulme të tjera terroriste.