Japoni, rreth 100 mijë vetë ende në strehime emergjence

Në Japoni edhe tre muaj pas katastrofës së trefishtë, tërmetit, cunamit dhe incidentit bërthamor, rreth 100.000 vetë jetojnë ende në strehime emergjence.
Sipas njoftimeve, në provincën e goditur rëndë, Fukushima, ka përfunduar ndërtimi i rreth 28.000 banesave të reja, por ky numër është i pamjaftueshëm.

Dhjetëra mijëra vetë, të cilët kanë humbur si pasojë e katastrofave vendin e punës, kërkojnë tani me dëshpërim mundësi të reja për sigurimin e jetesës.

Njëkohësisht në mesin e popullsisë po shtohet shqetësimi për rrezatimin radioaktiv dhe ujin e rrezatuar, që vazhdojnë të dalin nga centrali i dëmtuar bërthamor, Fukushima. Në shumë qytete të vendit ka pasur demonstrime kundër përdorimit të energjisë bërthamore.