Kolegji vendos: Të numërohen të gjitha kutitë në Tiranë

Kolegji Zgjedhor vendosi të hënën pak para mesnate të hapë kutitë e tjera të mbetura pa u rinumëruar në garën elektorale për bashkinë e Tiranës.
Në vendimin e shpallur vetëm pas rreth 4 orësh nga si ishte parashikuar, Kolegji rrëzoi kërkesën e PS-së për mospërputhjen e shifrave në 117 kuti të rinumëruara. Relatorja Dhurata Haveri lexoi vendimin, në një sallë të mbushur plot nga përfaqësues të palëve politike dhe nga mediat. Procesi i hapjes së 368 kutive do të kryhet nga Komisioni qendror zgjedhor.