Ushtria siriane merr qendrën e opozitës

Ushtria siriane ka hyre me një kontigjent të madh ushtarësh në qytetin Jisr Al-Shogur, që mbahet i rrethuar prej ditësh, një nga qendrat e lëvizjes protestuese kundër regjimit autoritar të presidentit Bashar al-Assad.
Televizioni shtetëror njoftoi për të vdekur dhe të plagosur në luftimet e forcave të ushtrisë me bandat e armatosura. Shumica e qytetareve ishin larguar që më parë nga qyteti me 50 mijë banorë. Mijëra vetë kanë ikur në Turqinë fqinje.

Operacioni ushtarak në Jisr al-Shogur është deri tani më i madhi, që ka ndërmarrë regjimi kundër popullsisë së vet që prej fillimit të protestave kundër Assadit.

Sipas të dhënave të opozitës, forcat e sigurisë kanë vrarë që prej marsit rreth 1300 civilë. Më shumë se 10 mijë vetë janë arrestuar, njoftoi organizata kryesore e opozitës, komitetet lokale të koordinimit.