SHBA: Michelle Bachman, kandidate e parë për presidente

Ligjvënësja republikane amerikane, Michelle Bachmann, është femra e parë që e ka paraqitur pjesëmarrjen në garën për president të Shteteve të Bashkuara.
Këtë paraqitje ajo e bëri gjatë debatit të parë të kandidatëve republikanë, që u mbajt mbrëmë vonë në New Hampshire. “Sot i plotësova letrat për të synuar zyrën e presidencës së Shteteve të Bashkuara. Pra unë shumë shpejtë do ta bëjë edhe shpalljen formale”, citohet të ketë thënë Bachmann.

Thuhet se ajo ka lidhje me lëvizjen ultra-konservatore, Tea Party. Republikania Bachmann ka zgjuar interesim te mbështetësit me dënimet e shpeshta të politikave të presidentit Barack Obama.