Adelina ndryshon look

Ju treguam që Adelina është ndarë nga Lorik Cana? Edhe për operacionin që këngëtarja realizoi në Turqi për të rregulluar sytë, pasi si sëmundje e kishte pasur që e vogël? Tani konstatojmë se kur kemi shkruar për udhëtimet e shpeshta drejt Stambollit, ato nuk qenkan realizuar vetëm për Canën, por edhe për vizita në klinikën e syve. Këngëtarja është kthyer, është shëruar dhe tani ka filluar punën për realizimin e albumit, i cili i ngeli në gjysmë, pasi më me rëndësi kishte shëndetin. Është e re dhe e bukur, pa diskutim. Sharmante dhe joshëse këtë radhë e sjellim me një look të ri, në të cilin është transformuar me siguri për realizimin e një klipi të ri. Është bërë më shumë bionde dhe ka kthyer flokët në kaçurrela që i rrinë shumë mirë. Se çfarë hiti pritet të sjellë Adelina, duhet të shohim përfundimin e projektit, i cili do ketë shumë invesim, sepse edhe në albumin e parë ajo kishte shpenzuar jo më pak se 30 mijë euro si invesim nga i ati i saj, kurse për vetëm një këngë ekstra kishte paguar diku rreth 4 mijë euro.