Ermira Mehmeti udhëheq eurointegrimet?

Bisedimet mes Bashkimit Demokratik për Integrim dhe VMRO-DPMNE-së për formimin e qeverisë së re po shkojnë sipas planifikimeve.
Burime nga partia BDI, për portalin Zhurnal kanë konfirmuar se dy partitë janë duke zhvilluar takime intensive rreth platformës së përbashkët e cila do të jetë pjesë e programit qeveritarë në mandatin e ardhshëm katërvjeçarë.

Në partinë e Ahmetit thonë se bisedimet janë konstruktive dhe se partia e Gruveskit ka shprehur gatishmëri që edhe pjesë të platformës zgjedhore të BDI-së, të jetë pjesë e programit qeveritarë. BDI-ja edhe më tej insiston që pas harmonizimit të qëndrimeve për formimin e qeverisë së re marrëveshja me shkrim të firmoset nga dy liderët, Nikolla Gruevski dhe Ali Ahmeti.

Edhe pse dy partitë nuk kanë kaluar në fazën e ndarjes së resorëve, kësaj radhe partia e Ahmetit do të kërkojë qasjen e kuadrove të saj në të gjitha institucionet shtetërore.

Sipas të njëjtave burime, BDI-ja kërkon pesë poste ministrore, plus zëvendëskryeministrin për zbatimin e marrëveshjes së Ohrit, pesë poste të zëvendësministrave dhe po aq poste të sekretarëve shtetërorë.

Zyrtarë të lartë të BDI-së, kanë konfirmuar se VMRO-DPMNE-ja ka shprehur gatishmëri që sekretariati për çështje evropiane të udhëhiqet nga kudër i kësaj, si një ndër emrat më të përfolur për të merë timonin e eurointegrimeve përmendet emri i deputetes, Ermira Mehmeti-Devaja.

Pjesë e marrëveshjes mes VMRO-DPMNE-së dhe BDI-së, do të jetë edhe përmbyllja e rasteve të Hagës dhe zgjidhja e statusit të familjeve të dëshmorëve dhe invalidëve të luftës.