Enigmë, bisedimet për qeverinë e re

VMRO-DPMNE dhe BDI, kanë vendosur të mos shpalosin detaje nga rrjedha e bisedimeve.
E vetmja gjë për të cilën opinioni tanimë e ka të qartë është se këto dy parti kanë rënë dakord që të mos flasin për rrjedhën e bisedimeve, gjë që i hedhë poshtë si të pabaza të thënat e shumë analistëve se kësaj radhe negociatat do të zhvillohen shumë më lehtë ngase bëhet fjalë për partnerë të koalicionit të cilët bashkëqeverisën vendin për tre vite me radhë.

Janë kërkesat politike të BDI-së ato të cilat rrëndojnë këtë proces, apo VMRO DPMNE ka vendosur që të mos jetë shumë dorëlirë, mbetet të dëshmojë koha. Deklaratat e zyrtarëve të VMRO-së, të tipit se “nuk kam koment, ju kisha sugjeruar për këtë çështje të drejtoheni në pres qendrat e partive”, u pasuan edhe nga lideri të BDI-së. Ali Ahmeti pas takimit me nobelistin shqiptar Ferid Murati, edhe pse doli para gazetarëve, nuk dha asnjë detaj për rrjedhën e bisedimeve. “Të mos ia prishim ditën profesorit”, deklaroi Ahmeti, njofton Alsat.

Ndryshe pas disa ditë bisedimesh VMRO dhe BDI një ditë më parë përfundimisht thyen heshtjen dhe dërguan kumunikata thuajse identike në të cilat thuhej se bisedimet po i zhvillojnë në atmosferë korrekte dhe konstruktive. “Grupet për bisedime janë duke punuar në drejtim të përforcimit të partneritetit dhe besimit të ndërsjellë, si shtylla themelore për funksionimin e mirë të kabinetit të ardhshëm qeveritarë...’ u tha në kumtesat e BDI-së dhe VMRO DPMNE-së.