Qeveria e re greke votohet të martën në parlament

Kryeministri grek, George Papandreou, do përballet me votimin e besimit të qeverisë së tij në parlamentin grek.

Papandreou bëri ndryshime në qeveri të premten e kaluar pas krizës së brendshme politike dhe protestave në rrugë kundër planeve për shkurtime të tjera buxhetore dhe shitjen e pronave të shtetit me qëllim që të tejkalohet kriza me të cilën po përballet Greqia, bëjnë të ditur mediat.

Ai i ka bërë thirrje popullit që t’i pranojë shkurtimet e reja buxhetore që të shmangin atë që Papandreou e quajti, “pasoja katastrofale” të pamundësisë për të paguar borxhin.

Të hënën, ministrat e financave të eurozonës, i kanë dhënë Athinës dy javë kohë që të aprovoj shkurtimet të tjera buxhetore që të siguroj pjesën tjetër të kredisë së urgjencës, në vlerë prej 12 miliard euro.