Veljanovski rizgjidhet kryetar i Parlamentit

Trajko Veljanovski është rizgjedhur kryetar i Parlamentit me 70 vota pro, dy të përmbajtur dhe 47 kundër.
Kandidatura e tij është nominuar nga VMRO-DPMNE si dhe nga ana e Komisionit për çështje të zgjedhjeve dhe emërimeve. Kundër kandidaturës së tij u deklaruan partitë opozitare, LSDM dhe PDSH dhe PRSD.

Deputetët e LSDM-së dhe PRSD-së opozitare Emilijan Stankoviq, Goran Minçev dhe Goran Misovski kanë thënë se Veljanovski nuk duhet të ushtrojë detyrën, pasi që gjatë periudhës së kaluar ai lejoi miratimin e shumë ligjeve pa opozitën dhe se nuk pastroi incidentet në Parlament.

Madje, shefi i grupit parlamentar të PDSH-së, Imer Aliu kërkoi që BDI si partnere e koalicionit të deklarohet se përse përkrah Veljanovskin për kryeparlamentar dhe a është mbështetja e tij si pjesë e koalicionit. Por në mbrojtje i kanë dalë bashkëpartiakët Silvana Boneva dhe Aleksandër Spasenovski duke thënë se duhet të vlerësohet angazhimi i Veljanovskit në tre vitet e kaluara.