Tërheqja franceze nga Afganistani, njëjtë me atë amerikane

Presidenti francez, Nicolas Sarkozy ka deklaruar se prej katër mijave, disa qindra trupa franceze do të tërhiqen nga Afganisatni para fundit të këtij viti.
“Franca do të realizojë një tërheqje progresive në një mënyrë proporcionale dhe në të njëjtën kohë me tërheqjen amerikane”.

Deklarata u bë një ditë pasi presidenti amerikan, Barak Obama, ka njoftuar për afatin kohor të tërheqjes amerikane nga Afganistani.

Edhe kryeministri spanjoll, Jose Zapatero, ka thënë se Spanja do të tërheqë 10 % të trupave të saj nga Afganistani, në pjesën e parë të vitit të ardhshëm, ndërsa tërheqjen e plotë e planifikojnë për në vitin 2014.