BE-ja i jep dritën jeshile anëtarësimit të Kroacisë

Liderët e Bashkimit Evropian gjatë takimit në Bruksel, i kanë dhënë dritën jeshile Kroacisë që t’i bashkohet këtij unioni, mirëpo e kanë paralajmëruar Zagrebin që duhet të vazhdoj ta luftoj korrupsionin e përhapur me “energji”.
Kancelarja gjermane Angela Merkel, pas përfundimit të samitit dy ditor në Bruksel, deklaroi se Bashkimi Evropian është pajtuar për anëtarësimin e Kroacisë, dhe se nuk ka rezerva ndaj këtij qëndrimi, njëjtë siç ka pasur me Bullgarinë dhe Rumaninë”.

Ndërkohë, kryeministrja kroate, Jadranka Kasor tha se snëtarësimi i Kroacisë pritet të formalizohet më së largu në mesin e vitit 2013. Kroacia, do të bëhet vendi i dytë ish jugosllav që do të bëhet anëtarë në Unionin me 27 vende anëtare, pas Sllovenisë.

Anëtarësimi i fundit në Bashkimin Evropian është ai i vitit 2007 kur Romania dhe Bullgaria u bënë anëtare.