KS i OKB-së i shqetësuar për gjendjen në Jemen

Këshilli i Sigurimit i Kombeve të Bashkuara u ka bërë thirrje palëve në konflikt në Jemen për zhvillimin sa më të shpejtë të një dialogu politik.
Forumi më i lartë i OKB-së ka shprehur shqetësim të thellë lidhur me dhunën e vazhdueshme në vendin arab. Javën e ardhshme ekspertë të OKB-së do të udhëtojnë për në Jemen, ku do të shohin nga afër situatën e atjeshme.

Gjatë muajve të fundit në protestat kundër presidentit Ali Abdullah Saleh kanë vdekur të paktën 200 njerëz.