Lëshohet fletarrest për Gaddafin

Gjykata për Krime Ndërkombëtare ka lëshuar fletarrest për Muamer Gaddafin për krime kundër njerëzimit, të kryera kundër kundërshtarëve të tij, që nga mesi i muajit shkurt.
“Dhoma, kësisoj, lëshon një fletarrest kundër Muamer Gaddafit”, ka thënë gjykatësja Sanxhi Masenono Monageng, gjatë seancës së dëgjimit në gjykatën me seli në Hagë.

Ajo po ashtu ka lëshuar fletarrestime edhe për të birin e Gaddafit, Seif al-Islam, dhe kreun e shërbimit informativ të Libisë, Abdullah al-Senusi për vrasje dhe përndjekje që nga nisja e kryengritjes.