SHBA-të do të mbajnë presionin ndaj Al Qaedas

Presidenti i Shteteve të Bashkuara, Barack Obama, tha të mërkurën se misioni amerikan në Afganistan mund të jetë i suksesshëm, por ai ende nuk është i gatshëm ta shpallë fitoren.
Obama në konferencën për gazetarë në Shtëpinë e Bardhë, tha se progresi, që deri tash e ka bërë ushtria, po i lejon atij, që ta filloj kthimin e trupave në shtëpi. Megjithatë, ai theksoi se do të mbahet presioni ndaj rrjetit terrorist Al Qaeda.

“Ajo që forcat amerikane ishin të afta të bëjnë, ishte që t’i dëmtojnë rëndë kapacitetet e Al Qaedas. Kuptohet se kujdesi më i madh ishte në Osama bin Ladenin, por edhe para operacionit për bin Ladenin, ne kishim asgjësuar nivelin e mesëm dhe disa nga niveli i lartë i Al Qaedas. Ata kanë shumë vështirësi në operim, në komunikim dhe në financimin e vetvetes. Ne këtë presion do të vazhdojmë ta mbajmë”, tha presidenti amerikan Obama.