SHBA-të me strategji të re kundër terrorizmit

SHBA-të janë zotuar se do e ndjekin “shkatërrimin e plotë” të Al Qaedes, ndërsa përqendrohet në strategjinë e saj kundër terrorizmit për të luftuar terrorizmin në rritje brenda territorit amerikan.
Strategjia e re bëhet publike në 10 vjetorin e nisjes së luftës së udhëhequr nga amerikanët kundër terrorit, e lansuar nga ish Presidenti amerikan, George Bush, pas sulmeve të 11 shtatorit. Këshilltari kryesor i presidentit Barack Obama, John Brenan, ka thënë se qasja e re është pragmatike dhe jo ideologjike kundër terrorizmit, që e formalizon qasjen e administratës amerikane prej janarit të vitit 2009.

Ai ka thënë se strategjia e re është zhvilluar pasi Forcat Speciale amerikane e vranë Osama bin Laden më 2 maj në Pakistan, që reflekton “ndryshimet e jashtëzakonshme politike” që e kanë përfshirë Lindjen e Mesme dhe Afrikën Veriore.

Brenan bëri këto komente në Shkollën John Hopkins për Studime të Avancuara Ndërkombëtare në Washington.