Rusia i del në mbrojtje presidentit sirian!

Ministri i Jashtëm rus, Sergei Lavrov, tha të premten se Moska është kundër një rezolute të Këshillit të Sigurisë së OKB-së për Sirinë.
Projektrezoluta, e cila ishte draftuar nga Franca, Britania dhe Gjermania, e dënon qeverinë siriane për shtypjen e protestave të opozitës. Anëtarët e Këshillit të Sigurimit me të drejtë vetoje, Rusia dhe Kina, e kundërshtojnë këtë projektrezolutë.

Lavrov i ka bërë thirrje opozitës siriane që të mbajë bisedime me liderët e shtetit të tyre, duke paralajmëruar se çdo përpjekje për të hequr nga pushteti liderin sirian, Bashar al Asad, do të ketë pasoja të rrezikshme.