Kim Kardashian bëhet gati për martesë

Bukuroshja Kim Kardashian me të madhe është duke u përgatitur për martesë me Kris Hamfriz dhe këtyre ditëve është në kërkim të fustanit të nusërisë.
Mbështetjen më të madhe, Kim po e merr nga nëna e saj, e cila bashkë me të po vizitojnë butikët në Beverlli Hills. Kim së fundi është parë duke hyrë në butikun e dizajnueses së njohur së fustaneve të nusërisë Vera Wang dhe mendohet se në martesë do të veshë pikërisht modelin e saj.
Një gjë është e sigurt se martesa e Kim Kardashian assesi nuk do të jetë e lirë. Ajo tashmë ka paralajmëruar se do të bëjë shpenzime të mëdha, pasi që të gjithë të ftuarit VIP do të kenë transport me automobila të markës “Rols Rojs” dhe “Majbah”, huazimi i të cilëve kushton mbi 100.000 dollarë.