Ingrid Gjoni rrëzohet në skenë, Sinan Hoxha e çon në spital

Këngëtarja Ingrid Gjoni thuhet se është rrëzuar në skenën e emisionit Zonë e Lirë të Arjan Çanit javën e kaluar.
Moderatori i Zonë e Lirë i cili mbylli këtë sezon të emisionit të tij javën e shkuar e kishte zhvendosur studion e transmetimit në një kompleks turistik mes Tiranës e Durrësit.
Duke qenë se në emision ishin të ftuar këngëtarë si Ingrid Gjoni, Sinan Hoxha, etj, ngjitur me studion disi më ngritur ishte vendosur një skenë.
Pikërisht në atë skenë mësohet se ka ndodhur edhe rrëzimi i këngëtares Ingrid Gjoni e cila thuhet se ka vrarë këmbën ndersa po performonte me kengen e saj te re.
Emisioni duhej të vazhdonte ndaj Arjan Çani nuk i shkoi dot në ndihmë këngëtares e cila mori ndihmë mjekësore pasi u dërgua në spital prej Sinan Hoxhës.
Ajo që nuk është ende e qartë është nëse Ingridi është rrëzuar seriozisht, gjithçka ka qenë një truk, apo këngëtarja ka dashur të rrëzohet fare pak nën moden e Lady Gaga e së fundi Rihana, por më pas, në rënie të lirë, gjërat kanë dalë jashtë kontrollit?.