SHBA e Franca përkrahin përpjekjet e Marokut për reforma

Dy ditë pas referendumit për kushtetutën në Marok, SHBA-tw dhe Franca kanë njoftuar ndihma për këtë vend.
Presidenti francez, Nicolas Sarkozy, premtoi ndihmën e Francës për zbatimin e reformave, ndërsa sekretarja amerikane e Shtetit, Hillary Clinton, deklaroi se SHBA-tw do të shoqërojnë Marokun në përpjekjet për forcimin e shtetit të së drejtës dhe të drejtave të njeriut dhe për ndarjen e pushteteve me një reformë afatgjate demokratike.

Më parë e ngarkuara e BE-së me politikën e Jashtme, Catherine Ashton dhe ministri i Jashtëm gjerman, Guido Westerwelle, përshëndetën referendumin për kushtetutën e zhvilluar në Marok.

Projektkushtetuta e prezantuar në muajin qershor nga mbreti Mohammed VI. parashikon ndarjen e pjesshme të pushtetit midis monarkut, kryeministrit dhe parlamentit si dhe pavarësimin e drejtësisë. Megjithatë rolin kyç do të vazhdojë ta luajë Mbreti.