Me bashkëshortet në shpinë vrapuan me pengesa

Për disa çifte gara në bartjen e bashkëshortes mbi supe është shumë më e rëndësishme sesa Wimbeldoni. Çiftet garuan në kampionatin botërorë i cili organizohet në Finlandë.
Çiftet nga 11 shtete të botës vrapuan gjatë vikendit në pistën Sonkajravij të Finlandës. Në pistën me pengesa, e cila sipas rregullave të këtij sporti të pazakontë është e gjatë 253.5 metra për herë të tretë me radhë fituan finlandezi Taisto Miettinen me partneren Kristiina Haapanen, shkruan Metro.

Çiftet në pistë duhet t’i kalojnë sa më shpejtë që është e mundur dy pengesa të thata dhe dy të mbushura me ujë. Garuesit nuk është e thënë që patjetër të jenë bashkëshortë.
Garuesi mund ta bartë mbi supe edhe gruan e fqinjit ose shokut, ndërsa kushti i vetëm është që ajo të jetë më e vjetër se 17 vjeç dhe të peshojë së paku 49 kilogramë.

Ekzistojnë disa stile për bartjen e bashkëshortes, ndërsa më i popullarizuari është stili estonez i cili mund të shihet edhe në fotografi. Shpërblimin që merr fituesi caktohet nga pesha e partneres.