James Biber dëshiron rolin e Adem Jasharit

James Biberi, aktori shqiptar i cili është duke korrur sukses në kinematografinë amerikane, gjatë një intervistë për Telegrafi ka shprehur dëshirën për të luajtur heroin legjendar të Kosovës, Adem Jasharin.
“Me shumë zemër do ta kisha luajtur filmin për luftën e Kosovës dhe rolin e heroit legjendar Adem Jashari. Shiko, dhe trupi më rrëqethet, kur e kujtoj historinë e Adem Jasharit. E paramendoj se si do ta luaja dhe besoj se do të ishte film shumë i mirë dhe do mirëpritej, jo vetëm tek shqiptarët, por në gjithë botë”, ka thënë ai.
James është duke përfaqësuar denjësisht shqiptarët në botë si një aktor shumë i suksesshëm. Ai ka pasur fatin të luaj krah aktorit me famë botërore si Robert de Niro dhe të luajë në serialin e famshëm “Sex and the City. Për James aktrimi është ushqimi i tij shpirtëror.
“Aktrimi është pasion dhe ushqim imi shpirtëror. Jo vetëm me këtë aktor, por kam luajtur edhe me shumë e shumë të tjerë që janë të njohur në tërë botën”, ka thënë aktori ynë Jamer Biberi