Ahmadinejad kundër planit për ndarje gjinore në universitet

Presidenti iranian, Mahmoud Ahmadinejad, ka kritikuar një plan të ri për të ndarë studentët në bazë të gjinisë në disa universitete. Ai ka thënë se janë ndërmarrë hapat që këto veprime “të pamençura” të pengohen menjëherë.
Ahmadinejad i ka dërguar letër ministrit të Arsimit të lartë dhe atij të Shëndetësisë, letër e cila është publikuar në faqen e internetit të presidentit iranian.

Letra erdhi si reagim ndaj një lëvizjeje të drejtuesve radikalë fetarë, që t’i japin fund sistemit të përbashkët të edukimit në disa universitete.