Riparohet kanali i Lady Gagas në YouTube

nga **Nora** Sat Jul 16, 2011 6:20 am

Kanali zyrtar i Lady Gaga në YouTube është riparuar pasi u bllokua pas një çështjeje të drejtash autori. Ditën e djeshme, një njoftim në ueb sajt thoshte se pezullimi vinte si pasojë e një shkeljeje të vazhdueshme të politikave të YouTube mbi të drejtat e autorit.

Por, gjatë orëve të natës kanali i këngëtares së famshme është kthyer në normalitet, bëjnë të ditur mediet amerikane.

Politika e YouTube mbi të drejtat e autorit është të heqë kanalet nëse regjistrohen tre shkelje të tyre.

Thuhet se mosmarrëveshja kishte të bënte me një kompani mediatike, pas performancës së Lady Gaga në kanalin japonez “Fuji TV”.