Cameron nën trysni në rritje për arsye të aferës Murdoch

Në Britaninë e Madhe trysnia mbi kryeministrin David Cameron sa vjen e po rritet për arsye të skandalit të përgjimit rreth gazetës bulevardeske "News of the World".
Opozita e akuzon atë, se ka pasur një marrëdhënie tepër të ngushtë me sipërmarrësin mediatik Rupert Murdoch, në koncernin e të cilit ishte botuar gazeta tashmë e mbyllur.

Parlamenti në Londër do të debatojë nesër mbi aferën. Për këtë Cameron kthehet enkas më herët nga një udhëtim në Afrikën e Jugut.

Murdoch dhe figura të tjera të skandalit do t'u përgjigjen pyetjeve të deputetëve. Ndërkaq pas ish-policit britanik me rangun më të lartë Paul Stephenson dha dorëheqjen edhe zëvendësi i tij John Yates.

Të dy mendohet të jenë të përfshirë në aferë. Veç kësaj, një ish-reporter i gazetës "News of the World" u gjet i vrarë në banesën e vet. Ai pati fajësuar ish-kryeredaktorin e gazetës Andy Coulson. Pas punës për gazetën, Coulson ishte zëdhënës qeveritar nën kryeministrin Cameron.