Vesa Luma, koncerte dhe dashuri

Këngëtarja prishtinase Vesa Luma është duke kaluar një periudhë të ndritshme, apo një “muaj mjalti”. Përveçse po fiton para nga koncertet e shumta, që është duke i mbajtur në bregdetin e Shqipërisë dhe të Malit të Zi, ajo po bën qejf me të dashurin e saj, Kreshnik Zalli, i cili ka disa ditë që i është kthyer nga Amerika.
Miq të këngëtares rrëfejnë se Vesa pas kthimit të Kreshnikut është mbushur me plot energji. “Vesa është në momentet e veta më të mira, pasi i dashuri i është kthyer nga Amerika. Janë bashkë pothuajse në secilin koncert që është duke e mbajtur Vesa. Duken çift i lumtur dhe lidhja e tyre po shkon për mrekulli”, ka treguar një shoqe e këngëtares.
Vesa Luma është e lidhur me Kreshnik Zallin prej më shumë se dy vjetësh dhe, pavarësisht se kanë jetuar larg njëri-tjetrit, lidhja e tyre ka mbetur e fortë. “Janë të gjitha spekulime se këngëtarja është lidhur me ndonjë tjetër. Ajo është e dashuruar në Kreshnikun”, tha tutje ajo, njofton portali Qendra.
Vesa Luma pritet t’i japë dhjetëra koncerte në qytete të ndryshme të Shqipërisë, Kosovës, Maqedonisë dhe Malit të Zi.