Shfaqet unaza e çuditshme prej gazi në qendër të Rrugën së Qumështit

Një unazë e çuditshme, e përdredhur prej gazi të ngjeshur në qendër të galaktikës sonë Rruga e Qumështit është vëzhguar nga Observatori Hapësinor Herschel. Vetëm disa pjesë të unazës, që shtrihen në një vijë prej 600 vitesh dritë, njiheshin më parë.

Por shikimi i Herschel-it shpalos të gjithë unazën për herë të parë dhe një ngërç i madh, që i i ngjan një fjongoje, i ka futur në mendim të thellë astronomët. Kërkuesi i NASA-s Alberto Noriega-Crespo, i Institutit Kalifornian të Teknologjisë në Pasadena, tha: ‘E kemi parë këtë rajon me rreze infra të kuqe në qendër të Rrugës së Qumështit shumë herë përpara.

‘Por kur kemi parë imazhet me rezolucion të lartë, duke përdorur valët submilimetërshe të Herschel, prania e një unaze është mjaft e qartë.’ Observatori Hapësinor Herschel është një mision i udhëhequr nga Agjencia Hapësinore Evropiane me kontributin e NASA-s.

Kur astronomët u kthyen nga teleskopi gjigant për të parë qendrën e Rrugës së Qumështit, kapën pamje të paprecedentë të unazës së brendshme, një tub i dendur gazi i ftohtë me pluhur, ku po formohen yje të reja. Astronomët u tronditën nga ajo që panë – unaza, që është rrafshi i galaktikës sonë, dukej se i ngjante më tepër një simboli infinit me dy virgulla drejt pikave anësore.