Zanfina e shkëlqyer

Këngëtarja seksi Zanfina Ismaili, edhe pse është gjithmonë në formë të shkëlqyer fizike, ka bërë me dije sipas medieve se konsumon shumë makarona. Tingëllon pak i çuditshëm ky pohim, pasi dihet se të konsumosh karbohidrate me shumicë, si në rastin e makaronave, është paksa e vështirë të ruash linjat perfekte sikurse Zanfina, e cila në fakt këto kohë sikur ka humbur paksa në peshë. Këngëtarja seksi, na ka surprizuar kur ka thënë se ushqimi i saj i preferuar janë pikërisht spagetit. “Makaronat i preferoj shumë dhe i konsumoj thuajse çdo darkë. Kjo është një meny që nuk e kam ndërruar prej shumë vitesh, edhe pse bëhet fjalë për brumëra që të shtojnë mjaft në peshë. Mirëpo, unë asnjëherë nuk kam pasur probleme me peshën trupore, prandaj asnjëherë nuk i kushtoj rëndësi ushqimit, thotë Zanfina.