Hakerët shqiptarë sulmojnë një ueb-faqe të Serbisë

Grupi i hakerëve i quajtur “Kosova Defacers Group”, ka ndërmarrë një tjetër sulm ndaj ueb-faqeve të Serbisë. Siç kanë njoftuar ky grup hakerësh, sot kanë sulmuar dhe nxjerrë jashtë funksionit faqen e internetit www.apml.gov.rs, për t’i treguar serbëve në Serbi së Mitrovica asnjëherë nuk do te jetë e tyre.

Grupi i hakerëve kosovar, “Kosova Defacers Group” (KDG), përmes një e-maili, ka njoftuar se ka arritur të rrezoj ueb-faqen Administrata për Parandalimin e Pastrimit të Parave të Serbisë, www.apml.gov.rs (Administration for the Prevention of Money Laundering).

Arsyeja perse e kanë sulmuar këtë faqe, sipas këtyre hakerëve ka qenë për t’iu rikujtuar serbëve në Serbi së Mitrovica asnjëherë nuk do te jetë e tyre.

Ky grup i hakerëve, ka postuar në youtube edhe një video ku shihet se si është thyer kjo ueb-faqe.

Ndryshe, Grupi i quajtur “Defacers Group”, është duke ndërmarrë që disa here sulme të tilla ndaj disa ueb-faqeve zyrtare e private të Serbisë.