Arrestohet kosovari që zhveshi një mashkull në Facebook

Policia e Kosovës ka arrestuar një mashkull, pasi që nëpërmjet një adrese në Facebook, është paraqitur si femër dhe e ka detyruar një tjetër mashkull që të zhvishet para kamerës, shkruan Express.

Më pas ai, ka kërkuar të holla nga viktima, në mënyrë që fotografitë e tij të mos publikohen në internet.

Nëpërmjet Western Unionit, viktima ia kishte dërguar shantazhuesit disa qindra euro.

Kështuqë kujdes për të gjithë që kalojnë "vijën e kuqe" në Facebook, pasi pa Vjollcës, Agnesës dhe Dritës, mund të fshihet Agimi, Bekimi ose Valmiri.