Qeni më i madh në botë

Kur qeni George ishte i vogël, dukej një këlysh normal me përjashtim të putrave të tij, të cilat ishin paksa të mëdha. Por askush nuk e mendonte se ky qen në dukje "normal" do të bëhej qeni më i madh në botë. Pronarët e tij nuk e mendonin se qeni i tyre i vogël do të arrinte një gjatësi prej 2.1 metër dhe të peshonte 114 kilogram.

Dave Nasser, pronari i qenit tha se George-n e kishte marrë në vitin 2006, pak muaj pasi u martua.

"Nuk e kisha menduar kurrë se do të arrinte këtë madhësi. Kur e morën George-n, ai ishte një qenush me përmasa normale, por tani ai është qeni më i madh në botë! Qeni është i racës ′Great Danes′ dhe janë kafshë të mrekullueshme për faktin se nuk janë agresive dhe afrohen shumë me njerëzit, gjë që i bën më të ndjeshëm se llojet e tjerë të qenve. Deri kur ishte pesë muajsh ai sillej si qentë e tjerë, duke ndjekur bishtin. Por ai ishte në madhësinë e një qeni Labrador të rritur. Ai po shtonte më shumë se një paund në ditë dhe sillej rrotull si bambi. Kur ai shprehte dashurinë ndaj nesh na linte për njëfarë kohë me shpatulla pas muri apo ndonje mobilje" tha Dave Nasser.

Nasser gjithashtu tregoi se pavarësisht se njerëzit mund të frikësohen nga madhësia e tij, George nuk është agresiv. Ai tha se George është i tmerruar nga qentë chihuahua!