Hadzic, të hënën del para gjykatës

Goran Hadzic, i akuzuari i Hagës për krime lufte, të hënën do të paraqitet për herë të parë para gjykatësve të Tribunalit, në lidhje me aktakuzën që e rëndon atë për krime lufte në Kroaci.
Sipas zëdhënëses së gjykatës Nerma Jelacic, në ditët e ardhshme ai pritet të ketë takime me përfaqësuesit e Tribunalit, të cilët do t’i shpjegojnë se në çfarë mënyre mund ta formojë ekipin e tij të mbrojtjes.

Hadzic akuzohet për krime lufte dhe krime kundër njerëzimit që rrjedhin nga mizoritë e kryera në Kroaci, në periudhën 1991-1995.