Google + shënon 20 milionë përdorues

Kompania Google shënon një tjetër sukses, ndërsa rrjeti i saj social Google + ka regjistruar mbi 20 milion përdorues, vetëm pas tre javësh nga prezantimi zyrtar.
Lajmi është konfirmuar nga e përjavshmja “Wall Street” e cila citon burime të saj konfidenciale brenda Google. Rritja me dhjetë milionë përdorues, shihet nga ekspertët si mjaft e madhe, pasi ajo është arritur vetëm në një javë.

Me këto ritme, rrjetet e tjera socilae Facebook, Twitter dhe Linked duhet të qëndrojnë sy e veshë dhe të rrisin performacën e tyre, pasi ka gjasa që brenda një kohe afatshkurtër Google + të kthehet në një kërcënim serioz për ta.