Shtëpia nga shishet e plastikës (Video)

Në Nigeri ndërtojnë shtëpi prej shisheve të plastikës – parimi është i thjeshtë dhe i efektshëm: shishet e zbrazëta mbushen me rërë dhe flashka druri, vendosen njëra mbi tjetrën dhe pastaj e krijojnë murin me beton. Konstruktimi forcohet me armaturë ose penj najloni.
Mjeshtri Andreas Fruze duke ndërtuar shtëpi të tilla dëshiron ta mbrojë ambientin dhe të ofrojë perspektivë për njerëzit të cilët jetojnë në varfëri. Andreas Fruze për këtë arsye para dhjetë viteve themeloi firmën ECO-TEC në shtetin e Amerikës Qendrore të Hondurasit. Firma prej asaj kohe ka ndërtuar më shumë se 50 shtëpi të tilla në mbarë botën.

Këto objekte i kanë mbijetuar edhe tërmetit prej 7.3 shkallësh Rihter.

Njerëzit nuk mund ta besojnë se projekte të tilla mund të funksionojnë. Megjithatë Fruze vazhdon projektin e tij. Ai sapo ka ndërtuar një cisternë për ujë në Ugandë. Së bashku me shoqatën për zhvillimin e energjisë së ripërtërishme (DARE) filloi një projekt të ri në Nigeri.

Në Kadun është ndërtuar shtëpia e parë prej shisheve të plastikës në Afrikë. Shishet për ndërtim Fruze i merr nga hotelet, restorantet, ambasadat dhe shtëpitë e zakonshme, shkruan “Deutsche Welle”. Shtëpi të tilla nuk ndotin ambientin, energjia përfitohet me ndihmën e energjisë diellore, ndërsa shtëpitë do të pajisen edhe me sistem të kanalizimit dhe sistem për përpunimin e ujit të pijshëm.