Putin i dëshpëruar pas rrëzimit të anijes kozmike ruse

Kryeministri rus, Vladimir Putin, ka urdhëruar agjencinë ruse të hapësirës që të përmirësojë në “mënyrë radikale” mbikëqyrjen e prodhimeve të hapësirës.
Zëdhënësi i tij, Dmitri Peskov, tha se Putin ka udhëzuar Roskosmosin të ndryshojë krejt kontrollin e cilësisë dhe sistemin e inspektimit që përdor gjatë prodhimit të anijeve.

Ky hap vjen një ditë pasi një anije kozmike ruse, e cila mbante mallra për në Stacionin Ndërkombëtar të Hapësirës, u rrëzua menjëherë pas nisjes dhe u shkapërderdh në Siberi.