Kafeja, arma kundër rrudhave dhe celulitit

23.09.2011, ora 19:48



Kafeja ka shumë përbërës të dobishëm, siç janë thartirat organike, yndyrat, alkaloidët, kaliumi, magnezi dhe hekuri. Yndyra e kafesë është e pasur me thartirën linoleike, e cila është një antioksidues i fuqishëm, ka efekt antikancerogjen dhe stimulon sistemin imunitar. Në të njëjtën kohë, ajo pengon edhe plakjen e lëkurës dhe ka veti antiinflamatore.

Kafeka, locion freskues për lëkurën

Bëni një kafe të fortë turke, hidheni në enë të vogla dhe ngrijeni. Më pas, me këtë akull trajtojeni lëkurën tuaj. Një gjë e tillë do ta nxisë qarkullimin e gjakut dhe do ta freskojë lëkurën tuaj.

Kafeja, tonifikon lëkurën

Lëkurën e fytyrës në mëngjes pastrojeni me një copë pambuku, të zhytur në kafe të sapo përgatitur. Në këtë mënyrë jo vetëm që do ta unifikoni ngjyrën e fytyrës, por edhe do ta nxini atë lehtë.

Kafeja, maskë kundër rrudhave

Një lugë miell thekre përziejeni me një kafe tepër të fortë, të ftohur më parë, derisa përzierja të mos bëhet e trashë, si krem. Kësaj përzierjeje më pas shtojini të kuqen e vezës dhe e përzieni mirë. Këtë përzierje vendoseni në fytyrë, mbajeni 15 minuta, e më pas shpërlajeni mirë.

Kafeja, trajtim kundër celulitit

Kafen e bluar të nxehtë hidheni në vendet problematike dhe ato vende mbështillni me fletë plastike, lëreni që të veprojë 15 deri 20 minuta, e më pas lajeni mirë. Këtë trajtim mund ta përsëritni dy herë në javë. Një mënyrë më e thjeshtë është që kafen e bluar ta shtoni në xhelin tuaj të preferuar për dush dhe, sa herë që të bëni dush, bëni masazh të lehtë.