Gruaja 69 centimetrash

Brigitte Jordan ka hyrë në librin e rekordeve të Ginisit si gruaja më e shkurtër në botë, e gjatë vetëm 69 centimetra.

Tash me moshë 22 vjeçe, kjo vajzë nga Ilynoisi mban rekordin bashkë me të vëllain (20), Bradin, për trupshkurtësi.

Ata së bashku janë pak më të gjatë se një metër e gjysmë.

Për Brigitten dhe Bradin mjekësia ka konstatuar çrregullimin e njohur me emrin dvarfizmi osteodisplatik primorial i Majit i tipit dy.

Brigitte Jordan deklaroi se ndihet e lumtur pas shpalljes gruaja më e shkurtër në botë, që ia mori turkes Elif Koxhman.

“Ndihem shumë mirë. Mirë është të jesh e vogël. Të gjithë njerëzit duhet të kenë vetëbesim”, u shprej Brigitta.

Ajo me të vëllain ndjekin kolegjin Kaskak dhe merret me basketboll e karate.