Google planifikon hapjen e Mp3 Store?

Sipas raporteve të fundit të New York Times, thuhet se Google
është duke negociuar me produksionet më të mëdha muzikore, me të cilët
dëshiron të nënshkruajë marrëveshje për lansimin e dyqanit virtual për
MP3, me qëllim të konkurrimit me platformat e ngjashme si ajo e Amazon
apo iTunes e Apple.Gazeta më e madhe amerikane gjithashtu
sugjeron se Google madje mund të hap Google Music MP3 Store brenda pak
javësh, dhe ka shumë mundësi që Google të lidh shërbimin e saj të ri me
atë ekzistues, të njohur si Music Beta.

Për më shumë, thuhet se Google është duke u ngutur që ta ofrojë
shërbimin e saj të ri para se Apple të lansojë shërbimin e saj të
muzikës, iTunes Match, i cili pritet të vijë në fund të muajit.

Edhe pse mediat kanë kërkuar përgjigje nga Google lidhur me këtë
shërbim, zëdhënësja e kësaj të fundit ka refuzuar të komentojë, ndërsa
të njëjtën gjë e kanë bërë edhe produksionet muzikore të cilat janë
përfolur si partner të mundshëm të Google.