Sakrifica e fundit e një nëne, refuzon kimioterapinë për jetën e së bijës

nga **Daffina** Wed Oct 19, 2011 2:19 pm

E përballur me faktin se vetëm kimioterapia do t’i shpëtonte jetën, një nënë shtatzënë zgjedh jetën e fëmijës, duke sakrifikuar veten. 41-vjeçarja Stacie Crimm, të cilës mjekët i kishin thënë se nuk mund të kishte kurrë fëmijë, vendosi të refuzojë trajtimin me kimioterapi për kancerin e qafës, pasi mësoi se kjo do të dëmtonte fëmijën në barkun e saj. Gruaja duroi dhimbjet për pesë muaj me radhë, deri ditën kur solli në jetë vajzën e saj. Tri ditë më pas, Stacie ndërroi jetë.

“Ky fëmijë është gjithçka ajo kishte”, thotë i vëllai, Ray Phillips, i cili ishte i pari që mësoi lajmin e shtatzënisë së saj pas vitesh të tëra bindjeje se nuk mund të lindte kurrë fëmijë.

“Ti nuk do ta besosh atë që kam për të të thënë”, i kishte thënë ajo të vëllait kur kishte marrë vesh lajmin e mirë. Por në javët e ardhshme, kur ajo kishte filluar përgatitjet për gjërat që do t’i duheshin bebes që priste, dhimbjet e forta të kokës, shikimi i dobët dhe dridhjet e trupit e kishin pushtuar pak nga pak.

Ajo nisi t’i tregonte të vëllait për shqetësimet e saj shëndetësore. “Jam e shqetësuar për fëmijën. Shpresoj të jetoj aq sa për ta sjellë në jetë. Të lutem, nëse mua më ndodh ndonjë gjë, merre ti fëmijën”, i shkruante ajo Ray-t.

Sakrifica e fundit e një nëne, refuzon kimioterapinë për jetën e së bijës Stacie-300x226

Sakrifica e fundit e një nëne, refuzon kimioterapinë për jetën e së bijës Stacie-300x226

Stacie ishte ndarë me babain e fëmijës dhe kishte vendosur ta rriste vetë atë. Ajo u vizitua te doktorë të ndryshëm dhe në korrik një skaner tregoi shkakun e gjithë dhimbjeve të saj: një tumor i përhapur në kokë dhe qafë.

Ajo u detyrua të zgjidhte mes jetës së saj dhe të të bijës… dhe për të nuk ishte një zgjedhje e vështirë. Në gusht, Stacie u dërgua me urgjencë në gjendje të rëndë në spitalin OU Medical Center në Oklahoma dhe pas dy ditësh, doktorët u detyruan t’i bënin një operacion për të nxjerrë fëmijën dhe më pas e transferuan në spitalin e Onkologjisë.

“Ajo e kishte të pamundur të shkonte te vajza e saj dhe bebja gjithashtu nuk mund t’i sillej për shkak të komplikacioneve që kishte pasur gjatë lindjes. Ne i treguam foto të vajzës dhe ajo qau. Donte ta mbante njëherë në krahë, por kjo ishte e pamundur”, thotë vëllai i Stacie-t. Stacie ndërroi jetë në 14 shtator, ndërsa e bija jeton me vëllain e nënës dhe katër fëmijët e tij. /Shekulli/

nga **Nora** Wed Oct 19, 2011 2:30 pm

Ngjarje shum prekse met vertet paska çen nje Nënë shum e zoja :)

Sakrifica e fundit e një nëne, refuzon kimioterapinë për jetën e së bijës

Sakrifica e fundit e një nëne, refuzon kimioterapinë për jetën e së bijës

Re: Sakrifica e fundit e një nëne, refuzon kimioterapinë për jetën e së bijës