Ndërton stacion për jashtëtokësorët (Video)

Phil Hill, i njohur edhe si Phil UFO, ka plane të ndërtojë një
piramidë në ishullin Alcatraz e cila do t’i furnizojë fluturaket e
jashtëtokësorëve me energji falas. Ai thotë se këtë projekt po e ndihmon
edhe Qeveria amerikane. Piramidën të cilën dëshiron ta
ndërtojë është e inspiruar nga piramida antike në Giza. Edhe pse nuk
thotë se piramidat i kanë ndërtuar vetë jashtëtokësorët, ai beson se
ndërtimi i tyre sipas të njëjtit shembull do tu dal në ndihmë atyre.

Jashtëtokësorët për të cilët flet Phil thuhet se janë nga një galaksi
tjetër, ndërsa ata ia kanë dhuruar edhe planin për piramidën. Ato do të
përdoren si depo për energji. Edhe pse piramida do të shërbejë
fillimisht vetëm si stacion për vizitorët nga hapësira, qëllimi
afatgjatë i Philit është t’i mundësojë botës të marrin energjinë falas.

Ai thotë se janë duke u bërë planet e fundit ndërsa ndërtimi i
piramidës do të fillojë më 2012. Megjithatë zyrtarët amerikanë nuk
dëshiruan të komentojnë lidhur me këtë projekt, por Phil paralajmëroi se
do të ndërtojë edhe piramidat ndihmëse, njëra prej të cilave do të
ndërtohet pas shenjës së Hollywoodit.

Këtë urdhër e mori nga jashtëtokësorët, “në rast se piramida në
Alcatraz vonohet”. Idetë e veta i paraqiti në YouTube dhe videon mund ta
shihni këtu: