Televizori HDTV i Apple vjen me Siri?

Kohëve të fundit është thënë se Apple është duke punuar në një
HTDV, ndërsa një gjë e tillë ishte konfirmuar edhe nga i ndjeri, Steve
Jobs, në biografinë e autorizuar e cila tashmë është në shitje.Mirëpo,
tani New York Times thotë se jo marrësi Apple TV, mirëpo një model i
televizorit po përgatitet nga Apple, dhe se i njëjti mund të lansohet
gjatë vitit të ardhshëm ose në fillim të vitit 2013, ndërsa do të jetë i
pajisur edhe me Siri.




Me sa duket, asistentja e zërit të Apple, Siri, e cila tashmë është
në dispozicion në iPhone 4S, do të jetë e integruar në Apple HDTV, dhe
kjo do të nënkuptojë që televizori i Apple nuk do të ketë nevojë për
telepilot, pasi që atë do ta zëvendësojë Siri.

Nëse ndodhë të jetë kështu, atëherë televizori i Apple do të
kontrollohet me komandat e zërit, me të cilin ju mund t’i ndërroni
kanalet, bëni pyetje të ndryshme, të kërkoni për përmbajtje online, apo
edhe gjërat tjera, për të cilat Siri do të ju ndihmojë.