Bieber me 2 miliard klikime në YouTube, lë pas Lady GaGan

Justin Bieber ka vendosur një rekord të ri në YouTube. Gjatë fundjavës këngëtari u bë personi i parë me më shumë se dy miliardë klikime, dhe kështu theu rekordin që e mbante Lady GaGa. Këngëtarja kundërthënëse vitin e kaluar ishte personi i parë që kishte një miliard klikime në YouTube.

Bieber nuk ka mundur ta largoj nga froni sa i përket popullaritetit në rrjetin social “Twitter”, GaGan, e cila ka 15 milionë adhurues, ndërsa këngëtari i ri ka 14 milionë.

Bieber rregullisht ka përdorurr “Twitter-in” për të komunikuar me adhuruesit, por ende nuk ka komentuar në këtë rrjet këtë rekord të ri, pasi aktualisht është duke promovuar albumin e tij të ri të Krishtlindjeve “Under the Mistletoe”, i cili do të del në shitje sot.