Shikoni se si duket e çara prej 80 metrave në Antarktik

Shkencëtarët e NASA-s janë gjithnjë e më shumë të brengosur për
shkak të krijimit të çarës gjigante në një akullnajë të ndjeshme Pine
Island të Antarktikut. Shkencëtarët e kanë vërejtur të çarën
me 14 tetor derisa me aeroplan po incizonin akullnajën Pine Island.
Mendojnë se akullnaja do të pëlcas së shpejti duke e krijuar kështu një
ishull akulli me madhësi të New Yorkut.

E çara është e gjatë 29 kilometra dhe e gjerë mesatarisht 79 metra.
Shkencëtarët pohojnë se për çdo ditë madhësia e të çarës rritet për 1.8
metra, gjë të cilën e konfirmoi edhe fluturimi i përsëritur mbi të çarën
dy javë më vonë.

Pine Island është një nga akullnajat më të mëdhenj dhe “më të
shpejtë” në Antarktik. E quajnë edhe “nënbarku i dobët i Antarktikut”
për shkak se zvogëlohej vazhdimisht.

Por, shkencëtarët pohojnë se një e çarë e këtillë është fenomen
natyrorë që ndodh për çdo dekadë dhe se nuk ka asgjë të bëjë me ngrohjen
globale. Besojnë se ishulli i ri i akullt do të ndahet nga Pine Island
deri në fundin e këtij ose më së largu në fillim të vitit të ardhshëm.