Shtëpia e Bardhë: Qeveria e SHBA-ve nuk ka dëshmi për UFO-t

Shtëpia e Bardhë iu përgjigj kërkesës së qytetarëve, të cilët
nënshkruan një peticion duke kërkuar nga qeveria të sqarojë nëse
jashtëtokësorët vërtetë kanë vizituar Tokën. “Qeveria
amerikane nuk ka dëshmi se ekziston jeta jashtë planetit tonë, si dhe
nuk ka fakte që dikush nga gjithësia ka kontaktuar me njerëzit. Po
ashtu, asnjëherë nuk jemi munduar të fshehim faktet nga opinioni”,
thuhet në deklaratën e Shtëpisë së Bardhë, të publikuar në faqen
whitehouse.gov.

Qytetarët mblodhën 12.078 nënshkrime me të cilat kërkuan publikimin e të vërtetës për jashtëtokësorët.