Monti kryeministër i Italisë

Presidenti i Italisë, Giorgio Napoletano, të dielën e ka
mandatar senatorin Mario Monti për kryeministër të këtij vendi, ndërsa
ai e ka pranuar këtë post.Në paraqitjen e tij të parë si
kryeministër, Monti ka thënë se do të bëjë përpjekje për të kaluar
krizën që ka përfshirë Italinë.

“E pranova me rezerva postin e kryeministrit, mirëpo do të punoj me
përgjegjësi. Do të bëj përpjekje më të mëdha për ta kaluar krizën”,
është shprehur Monti.

Ndërkohë, gjatë ditës së hënë, pritet që të formohet qeveria e re e
Italisë. Ish- komisioneri i BE-së pritet të formojë një qeveri që do të
ketë detyrën që të vë nën kontroll krizën e borxhit që e ka përfshirë
kontinentin dhe po godet tregjet globale.

Monti ka siguruar mbështetjen e një grupi të gjerë bankierësh,
politikanësh dhe analistësh ndërkombëtarë për aftësitë e tij si
negociator dhe ekonomist, megjithëse nuk ka pasur asnjëherë detyrë
politike si i zgjedhur.

Ai është një ekspert shumë i respektuar i ekonomisë ndërkombëtare,
ndërsa është cilësuar si një person i matur dhe i rezervuar, e kundërta e
kryeministrit të deritanishëm, Silvio Berlusconi.